Një anije mallrash u përfshi nga flakët pasi u godit nga një predhë e paidentifikuar në Ngushticën e Hormuzit, njoftoi sot Agjencia e Operacioneve Tregtare Detare të Mbretërisë së Bashkuar (UKMTO).
Sipas një paralajmërimi të lëshuar nga UKMTO, oficeri i sigurisë së kompanisë së anijes informoi për ngjarjen, duke bërë të ditur se të gjithë pjesëtarët e ekuipazhit janë evakuuar ndërsa janë raportuar dy viktima.
Autoritetet kanë nisur hetimet për incidentin, ndërsa deri në këto momente nuk është evidentuar ndonjë dëm mjedisor, bëri të ditur agjencia.
UKMTO u kërkoi të gjitha anijeve që kalojnë në Ngushticën e Hormuzit të jenë të kujdesshme dhe të raportojnë çdo aktivitet të pazakontë apo të dyshimtë pranë agjencisë.
