Një zjarr i madh ka përfshirë një sipërfaqe të gjerë në fshatin Drojë të Kurbinit. Fillimisht, flakët janë shfaqur në zonat me shkurre dhe ferra, por më vonë janë përhapur edhe në një masë pylli privat.
Zjarri ka shkaktuar dëme edhe në disa koshere bletësh, ndërsa vatra ndodhet në afërsi të disa shtëpive.
Forcat zjarrfikëse të Kurbinit kanë ndërhyrë menjëherë në vendin e ngjarjes dhe po punojnë për të vënë nën kontroll flakët.
