Deputetja e Partisë Demokratike, Greta Bardeli, ka qenë pjesë e aktivitetit të organizuar në kuadër të Ditëve të Europës, ku u mblodhën përfaqësues të qeverive dhe rajoneve europiane për të diskutuar mbi sfidat dhe bashkëpunimin drejt integrimit europian.
Në reagimin e saj publik, Bardeli e cilësoi takimin si një mundësi të vlefshme për shkëmbimin e eksperiencave dhe forcimin e lidhjeve institucionale me Bashkimin Europian.
Ajo nënvizoi se demokracia funksionale, zgjedhjet e lira dhe pjesëmarrja aktive e qytetarëve janë elementë kyç për zhvillimin e vendeve aspirante drejt BE-së.
Sipas deputetes demokrate, Shqipëria duhet të ecë përpara duke mbështetur standardet europiane dhe duke garantuar institucione të forta e transparente.
“Diskutuam mbi rëndësinë e demokracisë reale, bashkëpunimit ndërinstitucional dhe përfshirjes qytetare në zhvillimin e qëndrueshëm të territoreve”, u shpreh Bardeli në postimin e saj.
