Gjykata e Shkodrës ka vendosur masën e sigurisë “arrest shtëpie” për tre personat e ndaluar pas konfliktit të ndodhur në Poliklinikën e Shkodrës.
Gjatë seancës, babë e bir deklaruan se ngjarja ishte pasojë e një konflikti të çastit, ndërsa Arben Kepëca zgjodhi të mos japë deklarime para gjykatës.
Sipas hetimeve paraprake, 18-vjeçari Arvin Fregjaj plagosi me thikë Vildan Kepëcën brenda ambienteve të poliklinikës. Menjëherë pas ngjarjes, Arben Kepëca dyshohet se tentoi të vriste 18-vjeçarin, por ndërhyrja e menjëhershme e policisë bëri të mundur parandalimin e një ngjarjeje edhe më të rëndë.
