Gjuhadoli, një prej zonave historike dhe turistike më të frekuentuara të Shkodrës, vijon të përballet me problematika që sipas këshilltares bashkiake të PSD-së, Marina Duhani, mbeten ende pa zgjidhje.
Pastrimi, gjendja e godinave historike, përdorimi i hapësirave publike dhe zhurmat janë disa prej shqetësimeve të ngritura nga banorët e zonës.
Pas përfundimit të sezonit turistik, Duhani ka rikthyer vëmendjen te këto problematika, duke kërkuar nga Bashkia Shkodër ndërhyrje konkrete për përmirësimin e situatës.
Sipas saj, pavarësisht rëndësisë që Gjuhadoli ka për turizmin dhe imazhin e qytetit, banorët vijojnë të përballen me pasojat e problematikave të pazgjidhura dhe me mënyrën se si menaxhohet zona.
