Mbledhja e përgjithshme e gjyqtarëve është duke u zhvilluar sot, me qëllim përzgjedhjen e tre anëtarëve të rinj të Këshillit të Lartë Gjyqësor.
Pas procesit të votimit për dy kandidaturat e propozuara nga Gjykata e Lartë, Sandër Simoni dhe Arbena Ahmeti, numërimi i votave solli një rezultat të barabartë, me secilin që mori 179 vota. Fituesi u përcaktua përmes një shorti me gogla, ku u përzgjodh Sandër Simoni.
Ndërkohë, procesi për zgjedhjen e dy anëtarëve të tjerë të KLGJ-së, kandidatë nga gjykatat e tjera të shkallëve të ndryshme, është ende në vijim.
Më 12 dhjetor 2026, tre anëtarëve të KLGJ-së u përfundon mandati pesëvjeçar. Këta janë një përfaqësues nga gjykatat e shkallës së parë, një nga gjykatat e apelit dhe një nga Gjykata e Lartë.
