Gjykata e Posaçme ka pranuar kërkesën për gjykim të shkurtuar për kryebashkiakun e Shkodrës, Benet Beci, dhe pesë të pandehur të tjerë, të akuzuar për shkelje të barazisë në tendera në një procedurë prokurimi me vlerë rreth 68 milionë lekë, gjatë kohës kur Beci drejtonte KESH-in.
Seanca e radhës është caktuar më 14 shtator, kur SPAK do të paraqesë konkluzionet përfundimtare. Ndërkohë, mbrojtja ka kërkuar pushimin e çështjes me argumentin se duhet të zbatohet ligji për amnistinë.
