Gjykata e Posaçme kundër Korrupsionit dhe Krimit të Organizuar (GJKKO) ka shpallur dënimet për 17 individët e akuzuar për kultivimin e rreth 1.8 tonëve kanabis përmes serave në fshatin Drenovicë, Beratë.
Sadetin Hasaj dhe Blerim Xheka, të cilët udhëhoqën grupin, morën secili një dënim prej 8 vjet e 8 muaj burgim, pasi përfituan ulje dënimi nëpërmjet gjykimit të shkurtuar.
Një dënim prej 6 vjet e 8 muaj burgimi iu shqiptohet gjithashtu Sidrit Bisha, Suad Smakaj, Jurgen Ujkaj, Samoel Lushaj, Endriol Xheka, Mirvaldo Disha dhe Hamdi Dyli.
Po ashtu, Arben Vrapi, Adiol Çifliku, Lulzim Bushataj, Mustaf Manej, Bashkim Mema dhe Edison Mema u dënuan secili me 5 vjet e 4 muaj burgim.
Gjykata shpalli gjithashtu Drita Mema dhe Izmire Mema fajtore për kultivimin e bimëve narkotike në bashkëpunim të thjeshtë, duke u shqiptuar atyre nga 4 vjet burgim. Megjithatë, ekzekutimi i dënimit u pezullua dhe ato u vendosën në një periudhë provuese prej 3 vjetësh. Të dyja u shpallën të pafajshme për akuzën e pjesëmarrjes në grup të strukturuar kriminal dhe masat e sigurimit për to u shfuqizuan.
