Lagjja Tepe vazhdon të përballet me një nga sfidat më të mëdha në menaxhimin e mbetjeve në qytetin e Shkodrës. Mbetje të ndryshme, përfshirë ato inerte dhe urbane, kanë mbuluar deri edhe rrugën e kalimit për automjetet, duke u bërë një pengesë dhe një shqetësim konstant për kalimtarët.
Situata është bërë edhe më alarmante në këtë periudhë të nxehtë, ku temperatura të larta rrisin rrezikun për shpërthimin e infeksioneve. Së fundmi, zona ka humbur edhe tabelën informuese që ndalonte hedhjen e mbeturinave jashtë konteinerëve, duke lënë në harresë çdo lloj sinjalistike orientuese.
Edhe pse banorët e kanë ngritur shpesh këtë problem, situata në lagjen Tepe vazhdon të jetë pa një zgjidhje të qëndrueshme.
