Vllaznia është tronditur sërish nga FIFA, që ka vendosur t’i shtojë një tjetër bllokim merkato. Bëhet fjalë për paga të prapambetura, gjyqi i dytë i humbur daton më 14 maj. I pari ndërkohë ishte më 27 shkurt, më herët edhe në nëntor 2025. Vllaznisë nuk mund t’i hapet merkato pa shlyer dy detyrimet në fjalë. Dhe përpara ndeshjeve të Europës mund të kthehet në problem serioz.
Vllaznia, ndërkohë po kalojnë një moment delikat. Dje u befasuan nga Dinamo që fitoi 2 me 0 në stadiumin “Air Albania”. Dhe pse 36 javë u mbyllën si vend i parë me 1 pikë më tepër se Elbasani, Vllaznia rrezikon të bëhet rasti i parë në futbollin shqiptar që si kryesuese e humbet titullin me një formulë të tillë. Sfida e radhës ndërkohë do jetë me Egnatian.
