Biznesmeni amerikan Elon Musk, i njohur për pronësinë e kompanive si SpaceX dhe Tesla, e ka humbur statusin si “trilioner” pas një periudhe kur pasuria e tij u vlerësua mbi një trilion dollarë, duke u bërë kështu personi i parë në botë që arrin këtë nivel.
Ky sukses i papritur u arrit kur u vendos që SpaceX të fillonte ofrimin e aksioneve të saj në tregun e bursës, siç raportojnë mediat.
Vendimi për të ofruar aksionet çoi në një rritje të konsiderueshme të vlerës së kompanisë, duke ndikuar direkt në pasurinë e Musk, e cila arriti në mbi një trilion dollarë falë një sasi të madhe aksionesh.
Kur aksionet e SpaceX arritën kulmin e tyre, pasuria e Musk ishte rreth 1.45 trilionë dollarë, një shifër rekord.
Sidoqoftë, pas kësaj, vlera e aksioneve të SpaceX pësoi një rënie prej 31 për qind, ndërkohë që një pjesë e aksioneve të Teslës, e cila i takon Musk, me një vlerë prej rreth 116 miliardë dollarë, është e kufizuar për shkak të një marrëveshje të mëparshme me menaxhmentin e Teslës.
Si rezultat i këtyre ndodhi, pasuria e Musk tani është rreth 962 miliardë dollarë, megjithatë ai ende mbetet individi më i pasur në botë.
