Një zjarr ka shpërthyer në ambientet e jashtme të silosit të një fabrike druri në Elbasan, duke shkaktuar shqetësim për rrezikun e përhapjes së flakëve në zonë.
Pas marrjes së njoftimit, dy mjete zjarrfikëse, së bashku me një automjet me shkallë, mbërritën menjëherë në vendin e ngjarjes. Ato vepruan me shpejtësi për të izoluar vatrën dhe për të shuar zjarrin, duke parandaluar kështu përhapjen e tij në pjesët e tjera të objektit.
Falë veprimeve të shpejta të shërbimit zjarrfikës, situata u menaxhua në mënyrë efektive, dhe aktualisht po vazhdojnë përpjekjet për të eliminuar çdo rrezik të mbetur nga zjarri.
Ende nuk është e qartë se çfarë e shkaktoi zjarrin, ndërsa hetimet nga grupi i hetimor do të përcaktojnë shkaqet e incidentit.
