Zv.ministrja e Infrastrukturës dhe Energjisë, Edona Bilali, ka reaguar pas tragjedisë së rëndë të ndodhur në Domen të Postribës, ku humbën jetën një nënë 24-vjeçare dhe dy fëmijët e saj të mitur si pasojë e zjarrit që përfshiu banesën e tyre.
Përmes një postimi në rrjetet sociale, Bilali shprehu ngushëllimet për familjen e viktimave, duke u shprehur se është thellësisht e tronditur nga kjo humbje.
“Tejet e trishtuar për humbjen e tre jetëve sot. Ndërkohë që Prokuroria dhe institucionet përkatëse po punojnë për zbardhjen e ngjarjes, i shpreh ngushëllimet më të sinqerta familjes për këtë humbje tragjike. Engjëjt në tokë janë tashmë engjëj në qiell”, shkruan Bilali në reagimin e saj.
