Një aksident automobilistik u regjistrua pasditen e sotme në autostradën Levan-Tepelenë, në zonën e Fratarit, rreth orës 15:30, ku dy automjete u përfshinë në një përplasje të fortë.
Të dy shoferët kanë pësuar lëndime për shkak të incidentit dhe u dërguan menjëherë në Spitalin Rajonal të Fierit, ku po marrin trajtim mjekësor.
Paraprakisht dyshohet se aksidenti mund të jetë shkaktuar nga shpejtësia e madhe dhe lagështira në rrugë. Hetimet janë ende në vijim për të zbardhur plotësisht shkaqet e ngjarjes.
