Organizimi i protestës së 35-të ndaj kryeministrit Edi Rama ka filluar në Sheshin Skënderbej të Tiranës, ku janë mbledhur qytetarë dhe përfaqësues të diasporës.
Protestuesit kanë shfaqur një pankartë me mesazhin “Mjaft më! Populli kërkon dinjitet, drejtësi dhe ndryshim”, duke theksuar kërkesat e tyre për dorëheqjen e kryeministrit dhe për një ndryshim politik në vend.
Kjo ngjarje shënon herën e dytë që diasporës i bashkohet protestave në kryeqytet, duke u bërë pjesë e lëvizjes së vazhdueshme kundër qeverisë.
Pasi mbërritën në Tiranë, disa nga protestuesit e diasporës u drejtuan gjithashtu drejt komisariatit, ku po mbahen disa nga personat që u arrestuan gjatë protestës së mëparshme pranë Kuvendit, ngjarje që u karakterizua nga tensione dhe përplasje me forcat e rendit.
