Deputeti i Partisë Demokratike, Kliti Hoti, ka uruar besimtarët myslimanë me rastin e festës së Kurban Bajramit.
Përmes një mesazhi publik, Hoti shpreh urimet për më shumë paqe, begati, mirësi dhe harmoni në familjet shqiptare, ndërsa thekson rëndësinë e vlerave që përcjell kjo festë e shenjtë.
“Kjo festë e shenjtë na kujton vlerat e sakrificës, solidaritetit dhe dashurisë për njëri-tjetrin, vlera që na bëjnë më njerëzorë dhe më të bashkuar si shoqëri”, shprehet ai në urimin e tij.
Në përfundim të mesazhit, deputeti demokrat uron: “Gëzuar Kurban Bajramin!”
POSTIMI I PLOTË
Me rastin e Kurban Bajramit, uroj nga zemra të gjithë besimtarët myslimanë për më shumë paqe, begati, mirësi dhe harmoni në familjet e tyre.
Kjo festë e shenjtë na kujton vlerat e sakrificës, solidaritetit dhe dashurisë për njëri-tjetrin, vlera që na bëjnë më njerëzorë dhe më të bashkuar si shoqëri.
Gëzuar Kurban Bajramin! 🌙🤍
