“Një tjetër korsi biçikletash po i shtohet Shkodrës”, kështu e prezantoi kryebashkiaku i Benet Beci nisjen e punimeve në Unazën Lindore. Por, ndërsa në rrjetet sociale flitet për “kompletimin e lidhjes së plotë të unazës me korsi biçikletash”, qytetarët vijojnë të përballen me rrugë të amortizuara, trafik dhe mungesë parkimesh në zona të ndryshme të qytetit.
Projekti i ri për korsinë e biçikletave propagandohet si arritje në rrjetet sociale, ndërsa qytetarët kërkojnë investime më urgjente në infrastrukturën bazë, kanalizimet dhe sigurinë rrugore.
Ndërkohë, Bashkia e Shkodrës thotë se projekti synon të nxisë lëvizjen e gjelbër dhe ta bëjë qytetin më miqësor për biçikletat, në një qytet që historikisht është identifikuar me këtë kulturë transporti.
