Një pjesë e qytetit të Shkodrës është përballur mëngjesin e kësaj të diele me mungesë të furnizimit me ujë të pijshëm dhe energji elektrike.
Sipas raportimeve të qytetarëve, problematika është evidentuar në disa zona të qytetit, kryesisht në lagjen Zdrale dhe në zonën pranë stadiumit “Loro Boriçi”, ku banorët kanë mbetur pa shërbimet bazë që në orët e para të mëngjesit.
Deri në këto momente nuk ka pasur asnjë njoftim zyrtar nga institucionet përgjegjëse lidhur me shkakun e ndërprerjes apo kohën e rikthimit të furnizimit, çka ka shtuar shqetësimin te qytetarët.
Banorët kërkojnë transparencë dhe informacion nga autoritetet për situatën e krijuar, ndërsa mbetet e paqartë nëse problemi është i kufizuar vetëm në disa lagje apo prek një pjesë më të gjerë të qytetit.
