Rolan Sula, individi që goditi gazetarin Ilir Demalia, është arrestuar. Policia e Tiranës ka arritur të identifikojë dhe lokalizojë sulmuesin disa minuta më parë. Sula, bashkë me një tjetër person, është prangosur nga forcat e rendit.
Ngjarja ka ndodhur pranë shtëpisë së Ilir Demali, ku ai ka pësuar dhunë. Në fotot e publikuara nga mediat, janë të dukshme dëmtimet në fytyrën e tij.
Gazetari Demalia ka deklaruar se sulmi nuk ka lidhje me motive politike apo profesionin e tij. Në kallëzimin e tij në polici, ai përmendi se autori është një banor i zonës, i cili e akuzonte se kishte njoftuar policinë për gjobitjen e automjeteve të parkuara në mënyrë të paligjshme.
