Pas një telefonate anonime që paralajmëronte një bombë në tragetin Blue Star 2, autoritetet greke janë vënë në gatishmëri. Anija, e cila ishte nisur nga porti i Pireut drejt ishujve të Cikladeve dhe Dodekanezit, ka devijuar dhe ka arritur me urgjencë në portin e Lavrios.
Telefonata u bë në Autoritetin Portual të Pireut dhe, pas marrjes së saj, u organizuan kontrolle të detajuara nga ekspertët e çminimit të Rojës Bregdetare. Një qen i specializuar për zbulimin e lëndëve shpërthyese po ashtu ndihmon në këtë operacion.
Po ashtu, ekipe të zjarrfikësve dhe shërbimit të urgjencës EKAB janë dërguar në portin e Lavrios si pjesë e operacionit të kontrollit që vazhdon. Në bordin e tragetit ndodhen 952 pasagjerë dhe 98 anëtarë të ekuipazhit, duke e çuar numrin total të personave në 1.050. Trageti operon në itinerarin Pire – Siros – Patmos – Leros – Kalymnos – Kos – Rodos.
Derisa hetimet për origjinën e kërcënimit vazhdojnë, autoritetet greke po shqyrtojnë të gjitha pistat e mundshme lidhur me këtë incident.
