Pasditen e sotme, një aksident serioz ka ndodhur në aksin e vjetër Fier–Vlorë, në zonën e njohur si “Kthesa e Qarrit”.
Burimet raportojnë se për këtë incident janë përfshirë një automjet “BMW” dhe një kamionçinë që transportonte ushqim për bagëti. Si pasojë e përplasjeve të rënda, një pasagjer që ndodhej në kamionçinë ka pësuar dëmtime.
Për shkak të plagëve të marra, i dëmtuari është dërguar me autoambulancë në Spitalin Rajonal të Fierit, ku aktualisht po merr trajtimin e nevojshëm mjekësor.
Shërbimet e Policisë kanë mbërritur në vendngjarje dhe kanë nisur hetimet për të përcaktuar shkaqet dhe rrethanat që çuan në këtë aksident. Gjithashtu, forcat e rendit po punojnë për të rikthyer normalitetin në qarkullimin e automjeteve në këtë pjesë të rrugës.
