Në një komunikim për mediat, Ivi Kaso ka njoftuar se do të shtyhet me një orë në degët e mëdha, votimi për zgjedhjet për kryetar të PD.
“Procesi është drejt përfundimit në disa degë të vogla. Ka në numër të lartë votuesisht. Është marrë vendim për çdo degë që ky proves të mbyllet në 19:00, vetëm për degët e mëdha. Qytetarët të kenë mundësi që të ushtrojnë të drejtën e tyre”, u shpreh ai.
Procesi për garën për kryetar të Partisë Demokratike ka nisur në orën 08:00 ndërsa u njoftua se do të mbyllej në orën 18:00. Megjithatë siç njoftoi Ivi Kaso, ky orar është shtyrë për disa degë të mëdha dhe se votimi do të mbyllet në orën 19:00.
Ai theksoi se numri i votuesve ka qenë i lartë. Gjithashtu sqaroi se për disa degë të vogla, orari i përfundimit të votimit do të jetë ai i njoftuar, në fillim 18:00.
