Deputeti i Partisë Demokratike, Edmond Spaho, ka kërkuar falje publike ndaj deputetes së Partisë Socialiste, Marjana Koceku, pas një reagimi të tij të mëparshëm lidhur me deklaratën e saj për refuzimin e përdorimit të gjuhës standarde në raport me gegnishten.
Në një intervistë, Spaho pranoi se disa prej termave të përdorur prej tij kanë qenë të tepruar dhe fyes, duke theksuar se për to kërkon ndjesë publike.
Ai u shpreh:
“Sigurisht duhet të kërkoj ndjesë për disa terma që kam përdorur aty.”
“Kanë qenë më të rëndë seç duhet, ndoshta edhe fyes.”
“Ndërsa thelbi i problemit është tërësisht ashtu siç e kam thënë dhe i mbetem asaj.”
Duke vijuar më tej, ai shtoi edhe në lidhje me reagimin publik:
“Kur e hedh statusin, ai bëhet publik, e marrin mediat…”
“Gjithsesi, dua të them që kërkoj ndjesë për disa prej termave që kam përdorur.”
