Agron Shehaj, kryetar i partisë Mundësia, ka komentuar konfliktin e fundit mes Edi Ramës, kryeministër i vendit, dhe Erion Veliajt, kreut të Bashkisë së Tiranës.
Shehaj shprehu dëshirën që ky përplasje të mos ndalet.
Sipas tij, përplasja e vazhdueshme mes këtyre dy eksponentëve të Partisë Socialiste mund të bëjë që secili të ekspozojë të metat e tjetrit, duke ofruar kështu materiale për drejtësinë që të procedojë edhe ndaj kryeministrit.
Agron Shehaj: Uroj që përplasja Rama-Veliaj të vazhdojë, që drejtësia të ketë prova për të ndjekur penalisht kryeministrin.
Shehaj theksoi gjithashtu se pretendimet e Veliajt në lidhje me të drejtat janë të pabaza, pasi, sipas tij, Veliaj ka qenë shpesh ai që ka vështirësuar jetën e qytetarëve dhe i ka trajtuar ata në mënyrë nënçmuese gjatë kohës që drejtonte bashkinë. Ai shtoi se Veliaj, në postin e tij, ka vepruar shpesh kundër interesave të banorëve të kryeqytetit. Shehaj përmbylli duke thënë se “kështu është jeta; padrejtësitë që bën sot, një ditë të kthehen pas”.