Komentatori sportiv shkodran dhe tifozi i njohur i Vllaznisë, Edmond Dibra, po përballet me probleme shëndetësore, për të cilat po merr trajtim mjekësor në Tiranë.
Shqetësimi është shfaqur pasditen e djeshme, ndërsa pas ndihmës së parë në Spitalin Rajonal të Shkodrës, ai është transportuar drejt Spitalit të Traumës, ku po kryen ekzaminimet e nevojshme.
Sipas informacioneve, gjendja e tij ka qenë e rënduar, por gjatë paradites së sotme janë vërejtur shenja të dukshme përmirësimi.
Edmond Dibra është një figurë e njohur për sportdashësit shkodranë, i dalluar për pasionin ndaj Vllaznisë dhe emocionet që ka përcjellë ndër vite si komentator sportiv.
