Kalimi në qendër të Shirokës është kthyer në një problem të përditshëm për drejtuesit e automjeteve. Gropat e shumta në rrugë vështirësojnë qarkullimin dhe rrezikojnë dëmtimin e gomave dhe të mjeteve që kalojnë në këtë segment.
Pavarësisht se problematika vijon prej më shumë se një viti, deri më tani nuk është ndërmarrë asnjë ndërhyrje për riparimin e rrugës. Ndërkohë, drejtuesit e automjeteve duhet të tregohen të kujdesshëm gjatë kalimit, duke shmangur gropat në një aks që vijon të mbetet në këtë gjendje, pa një zgjidhje konkrete nga Bashkia Shkodër.
