Një shpërthim në veri të Izraelit ka lënë të paktën 20 persona të plagosur, sipas informacionit të dhënë nga policia dhe ekipet e shpëtimit. Ushtria konfirmoi se në vendin e ngjarjes janë dërguar trupa ushtarake dhe helikopterë për të ndihmuar në operacionet e shpëtimit.
The Times of Israel raportoi se ndër të plagosurit përfshiheshin studentë dhe mësues, të cilët po merrnin pjesë në një ecje në atë zonë. Paraprakisht dyshohet se shkaku i shpërthimit janë municionet e pashpërthyera.
Magen David Adom (MDA), organizata izraelite e shpëtimit që korrespondon me Kryqin e Kuq, bëri të ditur se ekipet e saj u ofruan ndihmën e parë tetë qytetarëve që pësuan lëndime të rënda ose mesatare, si dhe të tjerëve që mbetën me dëmtime të lehta.
Policia informoi se shpërthimi ndodhi në afërsi të qytetit Neot Mordechai, pranë kufirit izraelito-libanez.
