Shkolla “Prek Gjoni” në Bajzë të Malësisë së Madhe feston 110 vite nga hapja e saj, duke shënuar më shumë se një shekull kontribut në arsimimin dhe formimin e brezave të rinj.
Me rastin e këtij përvjetori, deputeti Bujar Rexha ka vlerësuar rolin e institucionit në zhvillimin arsimor dhe shoqëror të zonës, duke falënderuar mësuesit, drejtuesit, nxënësit, prindërit dhe të gjithë ata që kanë kontribuar ndër vite në historinë e shkollës.
Në mesazhin e tij, Rexha thekson se “Prek Gjoni” ka qenë ndër breza një pikë e rëndësishme referimi për dijen, kulturën dhe edukimin qytetar në Malësinë e Madhe.
Përmes këtij përvjetori, nderohet puna e shumë brezave të mësuesve dhe drejtuesve, si dhe kontributi i nxënësve dhe familjeve që kanë qenë pjesë e rrugëtimit 110-vjeçar të shkollës.
