Presidenti i Shteteve të Bashkuara, Donald Trump, deklaroi se Evropa ka pranuar të lëshojë një pjesë të rezervave të saj të naftës “menjëherë”, ndërkohë që ai dhe Partia Republikane përballen me trysni për të zbutur rritjen e çmimeve pak para zgjedhjeve të nëntorit për Kongresin.
Duke bërë njoftimin në rrjetet sociale, Trump nuk dha detaje mbi shtetet e përfshira ose sasitë që do të lirohen.
“Evropa sapo ka rënë dakord të lirojë një sasi të madhe të rezervave të saj të mëdha të karburantit dizel. Procesi do të fillojë menjëherë”, shkroi ai.
Çmimet e karburanteve kanë shënuar rritje të theksuar në SHBA dhe jashtë saj gjatë konfliktit tetëmujjor me Iranin. Trump ka argumentuar se, pavarësisht kostos së lartë, është e nevojshme për të penguar Iranin të zhvillojë një armë bërthamore.
Presidenti amerikan pohon se sapo lufta të përfundojë, çmimet do të ulen, edhe pse përfundimi i konfliktit mbetet i pasigurt.
