Astronautët në bordin e misionit hapësinor “Gemini 7”, më shumë se 60 vjet më parë raportuan se kishin parë një objekt të paidentifikuar “të padukshëm” , duke e përshkruar atë si një “trup të shkëlqyer… me triliona grimca mbi të”, sipas dosjeve të publikuara nga Pentagoni.
Astronautët e NASA-s, Frank Borman dhe Jim Lovell, detajuan pamjen e rrallë dhe vëzhgimet e tyre u regjistruan në një transkript që është bërë publik për herë të parë.
“Objekt në orën 10:00”, tha Borman në radio, më 5 dhjetor 1965, sipas transkriptit të publikuar nga mediat e huaja.
Kur një zyrtar i NASA-s pyeti nëse Borman po përshkruante raketën përforcuese të anijes “Gemini” apo po përshkruante një “pamje natyrore”, astronauti u përgjigj: “Kjo është një pamje e vërtetë”.
Pasi konfirmoi me kontrollin e misionit se mund të shihte edhe raketën përforcuese, Borman vazhdoi: “Kemi shumë, shumë, ah – duket sikur qindra grimca të vogla kalojnë”.
Kujtojmë se Departamenti i Luftës zbuloi faqen e tij të re të internetit kushtuar dosjeve të UFO-ve, duke publikuar një sasi fillestare prej 162 dokumentesh në përgjigje të një urdhri ekzekutiv të shkurtit nga presidenti Donald Trump.
View this post on Instagram A post shared by RadarOnline (@radaronline)
