Komiteti kundër Torturës i Kombeve të Bashkuara ka vendosur në qendër të kritikave marrëveshjen mes Italisë dhe Shqipërisë për transferimin e azilkërkuesve në kampet e Gjadrit. Në një raport të fundit, ekspertët e OKB shprehin shqetësime serioze për respektimin e të drejtave të njeriut në këtë skemë bashkëpunimi, duke shtuar se azilkërkuesit mund të përballen me pengesa të shumta në ushtrimin e të drejtave të tyre
Marrëveshja mes Italisë dhe Shqipërisë për transferimin e azilkërkuesve në kampet e Gjadrit është vënë në qendër të kritikave nga Komiteti kundër Torturës i Kombeve të Bashkuara. Në raportin më të fundit për Italinë, ekspertët e OKB shprehin shqetësime serioze për respektimin e të drejtave të njeriut në këtë skemë bashkëpunimi. Sipas raportit, azilkërkuesit e mbajtur në Shqipëri, edhe pse nën juridiksion italian, mund të përballen me pengesa të shumta në ushtrimin e të drejtave të tyre.
Një tjetër problem i ngritur lidhet me mundësinë reale që këta persona të marrin pjesë në proceset e tyre ligjore.
Raporti thekson gjithashtu mangësi në procesin e përzgjedhjes së personave që transferohen në Shqipëri.
Në përfundim, Komiteti i bën thirrje Italisë të rishikojë marrëveshjen me Shqipërinë dhe të garantojë respektimin e plotë të të drejtave themelore për çdo person të përfshirë në këto procedura. Ndërkohë që marrëveshja synon menaxhimin e flukseve migratore, organizmat ndërkombëtare paralajmërojnë se zbatimi i saj duhet të mos cenojë standardet ndërkombëtare të të drejtave të njeriut. Çështja pritet të mbetet në vëmendje, ndërsa Italia duhet të raportojë për progresin në zbatimin e rekomandimeve deri në vitin 2027./Syri.TV
