Policia e Shtetit ka ndërmarrë lëvizje të reja në strukturat e saj, duke ndërruar drejtuesin e Departamentit të Kufirit dhe Migracionit në Korçë. Burime bëjnë të ditur se ndryshime të ngjashme janë në proces edhe në disa qarqe të tjera.
Gëzim Zhupaj, që mbante postin e drejtuesit të kufirit në Korçë prej afro dy vitesh, është transferuar tashmë në Drejtorinë e Përgjithshme të Policisë së Shtetit ku do të ushtrojë detyrën e shefit të sektorit.
Luigj Vathi është caktuar në postin e ri si drejtues i kufirit në Korçë. Më parë, Vathi ka drejtuar Drejtorinë Vendore të Policisë në Berat.
