Një aksident është regjistruar pasditen e sotme në zonën e Vaqarr-it, në Tiranë, pranë Kthesës së Arbënes.
Sipas të dhënave paraprake, një automjet ka dalë nga rruga dhe ka përfunduar në një kanal të hapur në anë të saj. Ende nuk dihen rrethanat e plota të ngjarjes apo nëse ka persona të lënduar.
Banorët e zonës ngrenë shqetësimin për sigurinë në këtë segment, duke theksuar se kthesa dhe kanali i pambrojtur përbëjnë një rrezik të vazhdueshëm për drejtuesit e mjeteve.
Ata kërkojnë ndërhyrjen e institucioneve për të garantuar sigurinë e rrugës dhe për të parandaluar ngjarje të ngjashme në të ardhmen.
