Një ngjarje e rëndë me pasojë humbjen e jetës ka ndodhur gjatë ditës së sotme në territorin e bashkisë Shkodër.
Sipas të dhënave paraprake nga policia lokale, ngjarja ka ndodhur në një zonë të pyllëzuar të fshatit Shosh. Shtetasi me iniciale T. Z. ka qenë duke prerë dhe mbledhur dru, kur aksidentalisht është goditur nga një pemë. Për shkak të goditjes dhe dëmtimeve të marra, ai ka ndërruar jetë në vendngjarje.
Grupi hetimor ka mbërritur në territorin ku ndodhi ngjarja dhe po vijon veprimet procedurale për të dokumentuar dhe sqaruar plotësisht rrethanat e këtij aksidenti tragjik.
