Një shofer është gjobitur nga Policia Rrugore në Lezhë, pasi është filmuar duke kryer një parakalim të gabuar në aksin Milot-Lezhë.
Shkelja është denoncuar nga një qytetar, i cili ka vënë në dispozicion të policisë edhe pamjet e momentit të parakalimit.
Pas verifikimit të materialit, efektivët kanë identifikuar drejtuesin e automjetit dhe ndaj tij është vendosur një gjobë prej 8 mijë lekësh të rinj, për shkelje të neneve 146/16 dhe 198/5 të Kodit Rrugor.
Policia ka falënderuar qytetarin për bashkëpunimin dhe u ka bërë thirrje drejtuesve të raportojnë çdo shkelje të rregullave të qarkullimit në numrin pa pagesë 112.
