Kufizimi i qarkullimit të automjeteve në zonën e Zdrales në Shkodër po rëndon ndjeshëm mbi bizneset lokale. Tregtarët thonë se shitjet kanë rënë ndjeshëm dhe fuqia blerëse është reduktuar me rreth 50%.
Pavarësisht rënies së të ardhurave, ata vijojnë të paguajnë taksat dhe detyrimet, ndërsa paralajmërojnë se nëse situata vazhdon, disa biznese mund të mbyllen.
Tregtarët kërkojnë ndërhyrjen e Bashkisë Shkodër dhe propozojnë lejimin e qarkullimit të automjeteve të paktën në një sens, për të rikthyer aksesin e klientëve në zonë.
Ndryshimi i qarkullimit u bë pas rikonstruksionit të Zdrales, me synimin për krijimin e një pedonaleje tregtare, por bizneset thonë se ky vendim ka ndikuar negativisht në aktivitetin e tyre.
