Situata e zjarreve në Pukë vijon të jetë shqetësuese. Sipas deputetit Kliti Hoti, flakët kanë mbërritur në Gojan të Madh, në lagjen Pepaj.
Në një reagim të publikuar sot, Hoti shprehet se, pavarësisht premtimit të marrë dy ditë më parë nga ministri se zjarri ishte nën kontroll dhe se në terren do të angazhoheshin forcat zjarrfikëse dhe helikopterët, situata vijon të paraqesë rrezik.
“Ku është shteti? Qytetari për këtë moment ka nevojë për shtetin!”, shkruan Hoti, duke kërkuar ndërhyrje dhe mbështetje për banorët e zonës.
