Një manovër e rrezikshme në aksin Shkodër–Muriqan ka përfunduar me ndëshkim nga Policia Rrugore, pasi pamjet e shkeljes u publikuan në rrjetet sociale.
Pas verifikimit të videos, uniformat blu arritën të identifikojnë drejtuesin e automjetit, i cili ishte filmuar duke kryer një parakalim të gabuar.
Për shkeljen e konstatuar, drejtuesi u gjobit me 10 mijë lekë, në bazë të neneve 146 dhe 199 të Kodit Rrugor.
Policia Rrugore u bën apel qytetarëve që të raportojnë çdo shkelje të rregullave të qarkullimit në numrin pa pagesë 112.
