Ekspertiza e re ka zbuluar të dhëna të tjera rreth aksidentit fatal të ndodhur në Durrës rreth orës 02:22 të së mërkurës, duke marrë jetën e çiftit të sapomartuar Kleo Vrioni dhe Sara Brugentelli, si dhe një 15-vjeçari.
Ekspertët kanë përcaktuar se automjeti lëvizte me shpejtësi afërsisht 114 km në orë në momentet para përplasjes.
Rikonstruksioni i aksidentit tregon se, tek kthesa, drejtuesi i mjetit humbi kontrollin. Në atë çast, goma e përparme në anën e pasagjerit goditi bordurën, çka solli destabilizimin e mëtejshëm të makinës.
Pasi goditi bordurën, makina u përmbys dhe u tërhoq zvarrë për rreth 40 metra derisa u ndal përfundimisht.
Një tjetër zbulim nga ekspertiza ka të bëjë me gjendjen e shoferit: analizat toksikologjike kanë treguar se ai kishte konsumuar alkool.
Ndërkohë, edhe dy persona të tjerë po marrin trajtim në spitalin e Traumës në Tiranë.
