Shkodra vijon të tërheqë turistë të huaj që zgjedhin ta zbulojnë qytetin në mënyra alternative, mes tyre edhe përmes udhëtimeve me biçikletë.
Së fundmi, një grup vizitorësh që po udhëtojnë me biçikleta nëpër Europë kanë ndaluar në Muzeun Historik të Shkodrës, duke e bërë këtë institucion një nga ndalesat e tyre për të njohur nga afër historinë dhe trashëgiminë e qytetit.
Gjatë vizitës, turistët u njohën me historinë, traditat dhe vlerat kulturore të Shkodrës, duke e pasuruar udhëtimin e tyre me një përvojë historike dhe kulturore.
Muzeu Historik i Shkodrës e cilëson këtë vizitë si një tjetër dëshmi të interesit në rritje të turistëve për të zbuluar qytetin përtej destinacioneve tradicionale.
Shkodra, me historinë, kulturën dhe trashëgiminë e saj, vijon të jetë një destinacion i preferuar për vizitorët që zgjedhin ta eksplorojnë qytetin në mënyrë të veçantë, përfshirë edhe përmes tureve me biçikletë.
