Janë shpërndarë pamje të reja që tregojnë çastin kur një avion luftarak F-16 u rrëzua gjatë një ushtrimi stërvitor në Yalova të Turqisë. Piloti arriti të përdorte me sukses sistemin e hedhjes dhe u largua nga avioni përpara përplasjes. Tani po trajtohet nga mjekët dhe sipas raportimeve nuk ka marrë plagë të rënda.
Avioni F-16 ishte nisur nga Eskisehir dje për një mision stërvitor dhe u rrëzua pranë Komandës së 18-të të Bazës Ajrore Kryesore në Yalova, rreth orës 15:00.
Menjëherë pas incidentit, autoritetet nisën një hetim për të zbardhur shkaqet e aksidentit, ndërkohë që Zyra e Prokurorit të Yalovës publikoi një deklaratë zyrtare lidhur me ngjarjen.
