Në zonën e “Lëndinës së Madhe”, mbi fshatin Sinicë në Devoll, një zjarr ka përfshirë një hapësirë me pyje.
Pas sinjalizimit për zjarrin, ekipet zjarrfikëse të Bashkisë Devoll ndërhynë menjëherë. Në operacion janë përfshirë 11 zjarrfikës dhe 3 punonjës të shërbimit pyjor, të cilët vijojnë të punojnë për të izoluar dhe shuar flakët.
Aktualisht, ende nuk është përcaktuar saktësisht sa e madhe është sipërfaqja e djegur, ndërsa shkaqet e zjarrit nuk dihen.
Ekipet zjarrfikëse vazhdojnë të monitorojnë situatën, duke punuar në terren për të ndaluar përhapjen e mëtejshme të flakëve.
