Shkodra bëhet gati për koncertin e Getoar Selimit, i cili do të performojë më 12 gusht në sheshin përpara Kinema “Republika”.
Për zhvillimin e aktivitetit, Bashkia Shkodër ka vendosur disa kufizime të përkohshme në qarkullim dhe parkim në zonën përreth.
Parkimi në sheshin para Kinema “Republika” do të jetë i ndaluar nga ora 06:00 e 12 gushtit deri në 01:00 të 13 gushtit.
Ndërkohë, Bulevardi “Skënderbeu” do të jetë i mbyllur për automjetet nga ora 18:00 e 12 gushtit deri në 01:00 të 13 gushtit.
Bashkia u kërkon drejtuesve të automjeteve të shmangin zonën gjatë këtyre orareve dhe të ndjekin sinjalistikën rrugore, si dhe udhëzimet e autoriteteve.
Për disa orë, “Skënderbeu” nuk do të jetë vetëm bulevard… do të kthehet në rrugën drejt koncertit.
