74-vjeçari Qemal Berhami është liruar me urdhër të Prokurorisë, pasi u ndalua nga policia si i dyshuar për vendosjen e zjarrit në Krujë.
Nga hetimet paraprake nuk janë gjetur prova që e lidhin të moshuarin me nisjen e flakëve.
Në momentin kur ka mbërritur policia, 74-vjeçari është gjetur duke tentuar të shuante zjarrin. Berhami ka mohuar se ka shkaktuar zjarrin, ndërsa ka deklaruar se ndodhej pranë zonës, në një lëndinë që nuk ishte në pronësi të tij.
Pas verifikimeve, Prokuroria ka urdhëruar lirimin e tij.
