Ardian Çapja, i dënuar me burgim të përjetshëm, nuk ka mundur të marrë pjesë në varrimin e nënës së tij.
Çapja kishte kërkuar leje për të qenë i pranishëm në ceremoninë mortore, e cila ishte parashikuar të zhvillohej në orën 14:00, në Elbasan.
Burime bëjnë me dije se Drejtoria e Burgjeve i ka drejtuar një kërkesë Policisë, duke pyetur nëse ajo do të merrte përsipër shoqërimin dhe sigurinë e Çapjas gjatë daljes nga burgu për të marrë pjesë në varrim.
Megjithatë, sipas të dhënave paraprake, Policia nuk i ka kthyer përgjigje kërkesës, duke bërë që Çapja të mos mund të merrte pjesë në ceremoninë e varrimit të nënës së tij.
