Një ngjarje e rëndë ka ndodhur mëngjesin e sotëm në Ksamil, ku një vajzë 4-vjeçare ka humbur jetën në rrethana tragjike.
Sipas informacionit paraprak, e mitura është përplasur aksidentalisht nga automjeti që drejtohej nga babai i saj, teksa ky i fundit po kryente një manovër në një parkim privat.
Mësohet se automjeti ishte një “Audi”, me drejtues shtetasin E. M. Gjatë lëvizjes, mjeti ka goditur vajzën e tij të mitur, A. M., e cila, pavarësisht ndihmës së dhënë, nuk ka mundur të mbijetojë.
Familja, me origjinë nga Lezha, ndodhej në Ksamil për pushime.
Në vendngjarje kanë shkuar shërbimet e Policisë, ndërsa kanë nisur hetimet për zbardhjen e plotë të rrethanave të aksidentit.
