Një defekt në rrjetin elektrik ka shkaktuar ndërprerjen e energjisë në zonën e Tale 2, në Lezhë.
Mësohet se një shtyllë betoni e tensionit të mesëm është dëmtuar në degëzimin e linjës Shënkoll–Tale, duke sjellë ndërprerjen e furnizimit për abonentët e kësaj zone.
Ekipet e OSSH Lezhë kanë mbërritur në terren dhe po punojnë për zëvendësimin e shtyllës së dëmtuar dhe rikthimin e energjisë elektrike.
Ndërkohë, abonentëve të prekur u është kërkuar mirëkuptim, ndërsa ndërhyrja pritet të përfundojë në kohën më të shpejtë të mundshme.
