Një aksident automobilistik ndodhi në lagjen nr. 10 të Korçës, ku një grua 82-vjeçare u përplas nga një makinë teksa po tentonte të kalonte rrugën.
Informacionet fillestare tregojnë se e moshuara po kalonte nga njëra anë e rrugës në tjetrën në momentin e përplasjes. Menjëherë pas incidentit, drejtuesi i automjetit e dërgoi atë në Spitalin Rajonal të Korçës për trajtim mjekësor.
Mjekët konfirmojnë se 82-vjeçarja ka marrë dëmtime të rënda, por gjendja e saj shëndetësore është e stabilizuar dhe jashtë rrezikut për jetën.
Policia ka marrë në shoqërim drejtuesin e mjetit, ndërsa po vijojnë hetimet për të sqaruar shkaqet dhe rrethanat e plota të aksidentit.
