LVV nuk ka propozuar një emër pë kryeparlamentar të Kuvendit të Kosovës, duke kërkuar kohë për bisedime të mëtejshme me partitë opozitare. Drejtuesi i LVV Albin Kurti deklaroi se ky konstituim s’mund ta çdojë vendin sërish në zgjedhje të parakohshme.
Ai ka falënderuar liderin e PDK-së, Bedri Hamza dhe atë të LDK-së, Lumir Abdixhiku për takimet e mbajtura.
“Ato bisedime u pezulluan për shkak të zhvillimeve të brendshme në LDK. Rifillimi i bisedimeve u bë vetëm në këtë javë. Ne duam bisedime edhe me PDK-në edhe me AAK-në, ndonëse refuzimi i tyre është i qartë”, tha ai.
Po ashtu uroi 120 deputetët për betimin e mandatit të ri.
“Konstituimi s’duhet të na çojë në zgjedhje të panevojshme të paarsyeshme, kërkojmë kohë shtesë që t’u japim shans bisedimeve politike për marrëveshje për president a presidente të re”, tha Kurti.
Pas kësaj, drejtuesi i seancës Dehari shtyu seancën konstituive.
