Një incident i rëndë tronditi orët e para të mëngjesit të së mërkurës në Prospect Hills, Karolina e Veriut, ku brenda një banese u dëgjuan të shtëna armësh, duke lënë të paktën tre persona të vdekur dhe një të plagosur.
Zyra e Sherifit të Qarkut Caswell raportoi se një i plagosur është dërguar në spital për trajtim. Ndërkohë, mes viktimave ndodhet edhe autori i dyshuar i këtij sulmi me armë zjarri.
Sipas informacioneve të autoriteteve, të katër personat e përfshirë ishin mbi 17 vjeç dhe ishin anëtarë të së njëjtës familje.
Në vendin e ngjarjes mbërritën forca të shumta të policisë, të cilat rrethuan zonën dhe po zhvillojnë hetime për të sqaruar rrethanat e ngjarjes. Autoritetet lokale sigurojnë se nuk ka ndonjë rrezik për komunitetin, ndërsa hetimet për arsyet që çuan në këtë tragjedi janë ende në vijim.
